ललितपुरको चापागाँउ दोबाटोमा स्वर्णिमा नर्सरीको औपचारीक शुभारम्भ

22

पुष्प व्यवसाय नेपालमा बिस्तारै फस्टाउँदैछ । नेपालमा धेरैजसो कार्यक्रममा फूल नभई हुँदैन । चाहे सुख होस् वा दुखः हरेक कार्यका लागि फूल चाहिन्छ । उद्घघाटन होस्, खुसी व्यक्त गर्न होस् फुलको महत्वपूर्ण भूमिका खेल्छ । अहिले प्रशस्त नर्सरी खुल्ने क्रममै पनि रहेका छन् । यसै मध्येमा थसीखेल ललितपुरमा रहेको शिष्टता नर्सरीले मंसिरको अन्तिम साता आफ्नो शाखाको रुपमा ललितपुर चापागाँउदोबाटोमा स्वर्णिमा नर्सरीको औपचारीक शुभारम्भ गरेको छ ।
एक रोपनी क्षेत्रफलमा मात्र फैलिएको यो स्वर्णिमा नर्सरीमा लगानी भने दशौँ लाख भएकोृ देखिन्छ । लामो समय नर्सरी व्यवसायमै संघर्ष गरीरहेका शिष्टता नर्सरीका संचालक राजकृष्ण बजगाँई भन्छन् नर्सरी व्यवसायका लागि बढी लगानी चाहिए पनि कालान्तरमा यो व्यवसायले राम्रो फाइदा दिन्छ ।
आजभोली पनि धेरैको गुनासो सुनिन्छ भने जस्तो देशमा काम नै पाइदैन र काम पाइहाले पनि भनेजस्तो तलब र सुविधा पाँइदैन भन्नेहरुका लागि स्वदेशमै राम्रो कमाई गरेर गहकिलो उदाहरण गरीरहेका छन् । बजगाँईलाई आफ्नी श्रीमतीले पनि भरपुर सान दिएकि छन् । आफ्नो राम्रो जागिर भएर पनि जागिर भन्दा त व्यवसायमै राम्रो हुने रैछ भनेर जागिर पनि छाडेर यसमै लागेकि छन् ।
शुभारम्भ कार्यक्रममा फ्लोरीकल्चर एसोसिएसन (फ्यान) का अध्यक्ष कुमार कसजु श्रेष्ठले यो व्यवसाय सजिलो जस्तो लागे पनि मेहनत भने भरपुर गर्नुपर्छ । यस नर्सरीको शुभारम्भमा पुष्प व्यवसायी तथा पुष्प पारखीहरुको समेत उपस्थिती थियो ।
सानो क्षेत्रफल भए पनि चिटिक्क पारी सजाएर राखेका सयौँ थरीका फुलहरुका सजावटले सबैलाई आकर्षण गरेको थियो ।
अरु व्यापार–व्यवसाय जस्तो सटरमा गर्न नसकिने भएकाले व्यक्तिको जग्गालाई सम्झौता गराएर काम सुरु गर्दा धेरै महँगो हुने र धेरै मेहनत गरेको ठाउँमा सम्झौतामा तोकिएअनुसार छोड्नुपर्ने भएकाले झन् समस्या हुने नर्सरी संचालक बजगाँईको अनुभव छ । पुष्प व्यवसायलाई अझ प्रभावकारी बनाउन सरकारी निकायबाट खेर गएका सरकारी जग्गालाई सस्तो मूल्यमा उपलब्ध गराई पुष्प व्यवसायलाई प्रवद्र्धन र व्यवसायिककरण गराउन उनले आग्रह गरे ।

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्